Մեր մասին

Հայաստանում փափուկ խաղալիքների պահանջարկը գնալով աճում էր: Տարիների աշխատանքային փորձը, անընդհատ ինքնազարգացման ձգտումը, ինչպես նաև նոր աշխատատեղեր ստեղծելու ցանկությունը պարոն Գյուրջյանին գաղափար տվեցին բացել փափուկ խաղալիքներ արտադրելու սեփական գործարանը: Հաջողությունը նրա հետ էր, և 2000թ-ին իր տան հարևանությամբ ՝ Զավարյան 57/19 հասցեում ձեռք բերեց արտադրական տարածք, գաղափարը իրականացնելու համար: Արտադրությունը սկսեցին մեկ կարի մեքենայով և մեկ աշխատողով:

Վարուժան Գյուրջյանը սկսեց ճանապարհորդել աշխարհով մեկ ՝ փնտրելով և այցելելով խաղալիքներ արտադրող գործարաններ, ընթացքում դառնալով ավելի ինֆորմացված և ավելի զարգացնելով գիտելիքները: Զբաղված խանութով և գործարանով, 2002-ին Աբովյան 36 հասցեում բացվում է երկրորդ համանուն խանութը: Այդ ընթացքում մարդիկ ավելի շատ էին սկսում ճանաչել «Մանկան» - ը, և ապրանքանիշի խաղալիքներն օր օրի ավելի էին սիրվում: 2012 թվականին Երևանում բացվում է առաջին առևտրի կենտրոնը ` «Դալմա Գարդեն Մոլլ» անվանվամբ: «Մանկան» մասնագիտացված խաղալիքների խանութը դառնում է «Դալմա Գարդեն Մոլլ»-ի առաջին բնակիչներից մեկը:

Մինչդեռ, ունենալով արդեն 3 մասնագիտացված խաղալիքների խանութներ, արտադրամասը այլևս չէր համապատասխանում իր տարածքով։ Հետևաբար, պարոն Գյուրջյանը որոշում է զրոյից կառուցել նոր արտադրամաս:

2016թ-ին արտադրամասը տեղափոխվում է նոր հասցե ՝ Կ.Ուլնեցի 70: Նոր արտադրամասը ավելի ընդարձակ է և կոկիկ։ Այն հագեցած է վերջին տեխնոլոգիաներով, որը հնարավորություն է տալիս կազմակերպել արտադրական պրոցեսը և ավելի արդյունավետորեն ընդլայնվել ծավալներով: Նույն հասցեի առաջին հարկում բացվում է համանուն չորրորդ խանութը:

Այժմ «Մանկան»-ը առաջին և միակ ընկերությունն է Հայաստանի Հանրապետությունում, որն արտադրում է փափուկ խաղալիքներ։ Այն առաջարկում է երեխաների համար փափուկ խաղալիքների, ինտերակտիվ խաղալիքների և կրթական պաստառների լայն տեսականի:

“Մանկան”-ը սիրում և գնահատում է իր յուրաքանչյուր հաճախորդին:

Գոհ հաճախորդը մեր հիմնական նպատակն է: Պարոն Վարուժանը միշտ գործընթացի մեջ է, նա երբեք չի դադարում հասնել նոր նպատակների և երեխաներին ավելի երջանիկ դարձնել իր ամենափափուկ և ընկերասեր խաղալիքներով:

Արտադրությունը հագեցած է նորագույն տեխնոլոգիաներով: Խաղալիք ստեղծելու համար օգտագործվում են միայն լավագույն նյութերը, որոնք բացառապես մաքուր են և հատուկ ստեղծված են խաղալիքների արտադրության համար, խաղալիքների՝ ում երեխաները կանվանեն «ԸՆԿԵՐ»: Մեր խաղալիքների որակի անվտանգությունը համապատասխանում է միջազգային ստանդարտներին:

Իր գործունեության ընթացքում «Մանկան»-ը մասնակցել է բազմաթիվ ցուցահանդեսների և բարեգործական տարբեր միջոցառումների:

Այսօր ընկերությունը սահմանափակված չէ իր նվաճումներով: «Մանկան»-ը շարունակում է առաջադիմել և ընդլայնվել: